HOK «Irma» qıratqan sport nysandaryn jóndeýge $1 mln bóledi
ASTANA. QazAqparat - Halyqaralyq Olımpıada komıteti (HOK) «Irma» daýylynan zardap shekken eldiń ulttyq Olımpıada komıtetiniń kómek qoryna $1 mln qarjy bóledi, dep habarlaıdy TASS.
Bul týraly Komıtet basshysy Tomas Bah Lımadaǵy HOK sessııasynan keıinge baspasóz máslıhatynda málimdedi.
«HOK zardap shekken eldiń ulttyq Olımpıada komıtetine kómek qolyn sozyp, qıraǵan sporttyq ınfraqurylymdardy qalpyna keltirýge daıyn», - dedi Bah.
HOK baspasóz qyzmeti jarna somasynyń tabıǵı apat zalaly baǵasynan keıin artýy múmkin ekendigin naqtylady. Besinshi dárejeli «Irma» daýyly 6 qyrkúıek kúni Karıb basseıni aýdanyn, Pýerto-Rıkony, sondaı-aq Ulybrıtanııa, Nıderlandy jáne Frantsııanyń ıeligindegi birneshe araldy qıratty. Onyń keltirgen materıaldyq zalaly €1,2 mlrd dep baǵalanýda.
