HOK dopıngke qarsy jańa uıym qurmaq
ASTANA. QazAqparat - Halyqaralyq Olımpıada komıtetiniń (HOK) Sammıtinde Búkilálemdik dopıng agenttigine (WADA) dopıng testilerine jaýap beretin jańa organ ashýdy usyndy.
Bul týraly Lenta.ru saıtyna silteme jasap QazAqparat habarlaıdy.
Kezdesý barysynda kóptegen usynystar qaralǵan jáne olardyń barlyǵy WADA quryltaıshylarynyń Glazgoda 20-qarasha kúni ótetin keńesinde qaralady.
«Basty usynystardyń biri dopıngke qarsy júıeni qaıtkende de sporttan táýelsiz etý degen máseleni qamtıdy»,-delingen málimdemede.
HOK basshysy Tomas Bah uıym 2018 jyly ótetin Olımpıada oıyndarynyń aldynda dopıng testilerine jaýap beretin jańa organnyń qurylýyn kútetindigin aıtady.
Sammıt barysynda sonymen qatar dáriger, bapker, sııaqty sportshylarmen jumys isteıtin ózge de mamandyq ıelerine dopıng qabyldaýǵa yqpal etken jaǵdaıda qylmystyq jaýapkershilik qarastyrý usynyldy.
31 tamyz kúni 17 memlekettiń dopıngke qarsy agenttikteriniń basshylary Kopengagende sońǵy ýaqytta oryn alǵan atyshýly oqıǵalardan soń atalmysh organdy qaıta qurý jóninde usynys jasady. Keıinirek brıtanııa basylymdary WADA ókilderiniń atalmysh uıymdy ózge uıymmen aýystyrýy múmkindiginen seskenip otyrǵandyǵyn jazdy.
