HOK basshysy Tomas Bah 2025 jyly qyzmetinen ketetinin aıtty
PARIJ. KAZINFORM — Halyqaralyq Olımpıada komıtetiniń (HOK) prezıdenti Tomas Bah senbi, 10 tamyz kúni Parıjde ótken HOK-tyń 142-sessııasynda 2025 jyly qyzmetinen ketetinin málimdedi. Kazinform agenttigi bul týraly DW-ge silteme jasap habarlaıdy.
«Jańa ýaqyt jańa kóshbasshylardy qajet etedi», - dep keltiredi Bahtyń sózin Reuters.
Olımpıada hartııasyna sáıkes, prezıdenttiń ókilettik merzimi eń kóbi on eki jylmen shekteledi. Tomas Bah Halyqaralyq Olımpıada komıtetin 2013 jyldan beri basqaryp keledi. Mýmbaıda ótken HOK sessııasynda uıymnyń birneshe múshesi Bahtyń jańa merzimge saılanýyna múmkindik beretin Olımpıada hartııasyna túzetý engizýdi usynǵan.
70 jastaǵy Tomas Bah uıymnyń Parıjdegi sessııasynda: «Otbasymmen tereń oılanyp, talqylaýdan keıin mandatymdy merziminen asyrmaý kerek degen qorytyndyǵa keldim», - dedi.
HOK jańa prezıdentin saılaý uıymnyń 2025 jyldyń naýryz aıynda Grekııada ótetin 143-sessııasynda ótedi. Bul laýazymǵa úmitker bolýǵa áli eshkim nıet bildirmedi.
