HOK Atqarýshy komıteti Olımpıadaǵa keletin qonaqtar sanyn qysqartty
NUR-SULTAN. QazAqparat – Halyqaralyq Olımpıada komıtetiniń Atqarýshy komıteti Tokıo Olımpıadasynda óte mańyzdy tulǵalarǵa ǵana akkredıtatsııa berý týraly sheshim qabyldady. Bul Tokıo oıyndaryna keletin akkredıtettelgen adamdar sanyn aıtarlyqtaı qysqartady, dep jazady Olympic.kz.
20 naýryz kúni Tokıodaǵy Olımpıada jáne Paralımpıada oıyndarynyń sheteldik kórermenderdiń qatysýynsyz ótetini resmı túrde habarlandy. Atalǵan otyrysta japon taraby akkredıttelgen qatysýshylar sanynyń az bolýyn da talap etken.
Keıin Halyqaralyq Olımpıada komıteti ulttyq olımpıadalyq komıtettermen jáne halyqaralyq sport federatsııalarymen aqyldasa kele, tek mańyzdy ról oınaıtyn tulǵalarǵa ǵana akkredıtatsııa berý týraly toqtamǵa keldi.
Sondaı-aq, HOK atqarýshy komıteti ańyzǵa aınalǵan sportshylar men basqa da baǵdarlamalar boıynsha shaqyrylatyn qonaqtar tizimin azaıtty.
