HOK atqarýshy komıteti boksty Olımpıada oıyndarynyń baǵdarlamasyna qosý týraly usynys jasady
ASTANA. KAZINFORM — HOK atqarýshy komıteti boksty 2028 jyly ótetin Olımpıada oıyndarynyń baǵdarlamasyna qosý týraly usynys jasady. Bul týraly UOK baspasóz qyzmeti habarlady.
Aqtyq sheshim osy aptada Grekııanyń Kosta-Navarıno qalasynda ótetin HOK-niń 144-sessııasynda qabyldanady.
Bastapqyda, 2022 jylǵy aqpanda bekitilgen Olımpıada sport túrleriniń tizimine boks engizilmegen edi. Buǵan Halyqaralyq boks qaýymdastyǵyndaǵy (IBA) máseleler sebep boldy. 2023 jyldyń maýsymynda HOK IBA-ny resmı túrde moıyndaýdan bas tartty, bul jaǵdaı 2028 jylǵy Olımpıadadaǵy boks jarystarynyń bolashaǵyna áser etti.
Parıj Olımpıadasynda boks jarystary HOK-niń arnaıy jumys tobynyń basqarýymen ótti. Bul sheshim sportshylarǵa týrnırge qatysý múmkindigin qamtamasyz etti.
HOK buǵan deıin bokstyń Olımpıada baǵdarlamasynda qalýy úshin jańa halyqaralyq federatsııa qurý qajettigin málimdegen bolatyn. 2025 jyldyń aqpanynda HOK-niń atqarýshy komıteti World Boxing uıymyn ýaqytsha moıyndady. Qazirgi tańda bul uıym 84 ulttyq federatsııany biriktiredi.
Aıta ketelik Serbııanyń Nısh qalasynda ótken bokstan álem chempıonatynda júlde sany jóninen jalpy komandalyq esepte ekinshi orynǵa taban tiregen edi.