HOK AQSh quramasynan olımpıada júldesin qaıtaryp aldy
ASTANA. QazAqparat - Halyqaralyq Olımpıada komıteti 2012 jyly 4h100 metrge júgirý estafetasynda kúmis medalǵa ıe bolǵan AQSh-tyń erler komandasynan saıysqa qatysýshynyń bireýi dopıng qoldanǵany úshin júldeni qaıtaryp alý týraly sheshim qabyldady, dep jazady Bı-Bı-Sı.
HOK AQSh-tyń Olımpıada komıtetine medaldi qaıtaryp berý týraly suraý joldaǵan. Halyqaralyq zańǵa sáıkes, komandanyń bir múshesi dopıng qoldanǵan bolsa, barlyq komanda júldeden qaǵylady. Buǵan deıin habarlanǵandaı, úsh dúrkin álem chempıony Taıson Geı tyıym salynǵan preparatty qoldanǵany úshin bir jylǵa saıystardan shettetilgen bolatyn. Endi, kúmis alqa sol kezde qolaǵa qol jetkizgen Trınıdad jáne Tobago komandalaryna tıesili bolsa, qola júlde Frantsııa atletteriniń ýysyna tústi.
