HOK AIBA basshysy Gafýr Rahımovtyń Olımpıadaǵa barýyna tyıym saldy - BAQ
ASTANA. QazAqparat - Halyqaralyq olımpıada komıteti AIBA prezıdentiniń mindetin atqarýshy Gafýr Rahımovtiń Býenos-Aıreste ótetin Jasóspirimder Olımpıadasy oıyndaryna barýyna tyıym saldy, dep habarlaıdy «SPORTINFORM» SAA.
HOK Bas dırektory Krıstof de Kepper AIBA-ǵa múshe 203 ulttyq federatsııanyń barlyǵyna hat jiberip, Rahımovtyń osy Olımpıadaǵa akkredıtatsııadan ótpeıtinin málimdegen.
Buryn batys buqaralyq aqparat quraldarynda HOK Halyqaralyq boks qaýymdastyǵynyń aldyna Gafýr Rahımov AIBA basshysy laýazymynda qalatyndaı bolsa, boks 2020 jylǵy Olımpıadanyń baǵdarlamasynan alyp tastalýy múmkin ekeni jóninde ýltımatým qoıǵany týraly aıtylǵan bolatyn.
Rahımov uıymdasqan qylmysqa qatysy bar degen kúdikke iligip, AQSh Qarjy mınıstrligi oǵan sanktsııa jarııalaǵan.
Gafýr Rahımov AIBA prezıdenti bolýǵa jalǵyz kandıdat bolyp otyr. Uıymnyń 3 qarashada Máskeýde ótetin Kongresinde onyń Halyqaralyq boks qaýymdastyǵynyń basshysy laýazymyna resmı túrde kirisýi josparlanǵan.
