HOK 8 dúrkin Olımpıada chempıonyn Phenchhanǵa arnaıy shaqyrmaq

ASTANA. QazAqparat - Halyqaralyq Olımpıadalyq komıtet bıatlonnan segiz dúrkin Olımpıada chempıony, norvegııalyq Ýle-Eınar Borndalendy Phenchhanǵa arnaıy shaqyrý týraly usynysty qarap jatyr, dep habarlaıdy QazAqparat.

Bul týraly HOK baspasóz qyzmetinen habarlady.

Eske sala keteıik, Ýle-Eınardy osydan bir kún buryn Olımpıadaǵa qatyspaıtyny týraly habarlaǵan bolatynbyz. Oǵan basty sebep, áıgili sportshynyń bıylǵy maýsymdaǵy nátıjesi Olımpıada oıyndaryna qatysýǵa jetkiliksiz bolǵan.

Aǵymdaǵy maýsymda Qysqy Olımpıada tarıhyndaǵy ańyzǵa aınalǵan 43 jastaǵy sportshy Álem kýbogy kezeńinde segiz jekeleı synda óner kórsetken. Alaıda, ol Norvegııa quramasynyń qysqy oıyndarǵa irikteý krıterıılerin oryndaı almaǵan.

Esterińizge sala keteıik, 27 qańtarda 44 jasqa tolatyn Borndalenniń qanjyǵasynda 13 Olımpıada medali bar. Onyń segizi - altyn, tórteýi kúmis, bireýi qola medal. Sondaı-aq, 20 ret álem chempıonatynda jeńiske jetip, alty ret Álem kýbogynyń ıegeri atanǵan.