«Hobbıttiń» álemdik tusaýkeseri 2012 jyldyń jeltoqsanynda ótedi
ASTANA. 29 qazan. QazAqparat - Pıter Djeksonnyń «Hobbıt: Kútpegen saıahat» fılminiń álemdik tusaýkeseri Jańa Zelandııanyń Vellıngton qalasynda, rejısserdiń otanynda keler jyldyń jeltoqsanynda ótedi, dep habarlady bnews.kz portaly.
Lenta.rý The Hollywood Reporter-ge silteme jasap habarlaǵandaı, tusaýkeserdi ótkizý orny týraly sheshimdi Warner Bros. kompanııasy qabyldady. Taspa ekranǵa 2012 jyldyń 12 jeltoqsanynda shyǵarylady dep boljanýda.
«Hobbıtti» túsirý jumystary 2011 jyldyń naýryzynan beri Jańa Zelandııada ótýde. Fılmniń basty keıipkeri - Bılbo atty hobbıtti Martın Frıman oınaıdy. Gendalftiń rólin «Saqınalar ámirshisi» trılogııasyndaǵy sııaqty Ien Makkellen somdaıdy. Sonymen qatar, fılmge Keıt Blanshett, Orlando Blým, Hıýgo Ýıvıng, Elaıdja Výd, Krıstofer Lı, Stıven Fraı, Endı Serkıs, Ien Holm jáne ózge de akterler túspek.
