HQO málimetter bazasyn buza otyryp, 35 júrgizýshi kýáligin alyp bergen haker tergelip jatyr
TARAZ. KAZINFORM — Jambyl oblysyndaǵy halyqqa qyzmet kórsetý ortalyǵynyń málimetter bazasyn buzǵan hakerdiń ústinen is qozǵalyp, sotqa deıingi tergeý bastaldy.
Jýaly aýdandyq sotynyń baspasóz qyzmeti bergen málimketke sáıkes, tergeý barysynda 2023 jyldyń qyrkúıeginde belgisiz bireý HQO málimetter bazasyna kirip, teorııalyq jáne praktıkalyq emtıhandardy tapsyra almaǵan tulǵalarǵa 35 júrgizýshi kýáligin bergen. Barlyq qujattardy sot jaramsyz dep tanydy.
«Osy fakti boıynsha QR QK 385-babynyń 1-bóligi, 190-babynyń 3-bóligi 4-tarmaǵy boıynsha sotqa deıingi tergeý bastaldy», - delingen habarlamada.
Beıtanys kıberqylmysker HQO málimetter bazasyna kirip, emtıhan tapsyra almaǵandar úshin jeńil jol usynǵan áreketine aqshalaı syıaqy alyp úlgergen.
«Sotta jaýap bergenderdiń biri emtıhannan óz betinshe óte almaǵanyn rastady, biraq ony qaıta tapsyrmaǵan, 150 myń teńge tólep, júrgizýshi kýáligin satyp alǵan. Sot barlyq júrgizýshi kýálikterin jaramsyz dep tanydy», — dep habarlaıdy aýdandyq sottyń baspasóz qyzmeti.
