HQO-larda estrada juldyzdary qyzmet kórsetetin boldy

ASTANA. QazAqparat - Erteń, ıaǵnı 24 tamyz kúni Astana men Almaty qalalaryndaǵy, Aqmola men Almaty oblysyndaǵy HQO-larda halyqqa qyzmetti estrada juldyzdary kórsetetin bolady. Bul týraly «Azamattarǵa arnalǵan úkimet» memlekettik korporatsııasynyń qoǵammen baılanys departamentiniń dırektory Murat Jumanbaı Feısbýktegi paraqshasynda jazdy, dep habarlaıdy QazAqparat tilshisi.

«2018 jyldyń 24 tamyzynda shoý-bıznestiń juldyzdary men qoǵam qaıratkerleri azamattarǵa qyzmet kórsetedi. Olar Astana men Almaty qalalaryndaǵy, Aqmola men Almaty oblysyndaǵy Halyqqa qyzmet kórsetý ortalyqtarynda bir kún jumys isteıtin bolady», - dep jazdy ol.

Onyń jazýynsha, árbir front-keńsede jobanyń eki qatysýshysy qatysatyn bolady.