HQO qyzmetkerleri derbes derekterge arnaıy kodpen ǵana kire alady

NUR-SULTAN. QazAqparat – Halyqqa qyzmet kórsetý ortalyqtarynyń mamandary azamattardyń derbes derekterine tek arnaıy kod arqyly ǵana qol jetkize alady. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın málim etti, dep habarlaıdy QazAqparat tilshisi.

«Aqparattyq qaýipsizdik boıynsha Memleket basshysy derbes derekterdi qorǵaýdy kúsheıtýdi tapsyrdy. Munda biz birneshe nárseni engizemiz. Birinshisi – sandyq kelisim. Qazir turǵyn HQO-ǵa kelgende, jeke sáıkestendirý nómirin kórsetedi. Operator sol arqyly barlyq derekter bazasyna kire alady. Al endi biz HQO operatory klıentke habarlama arqyly jiberiletin kodty jazǵanǵa deıin derbes derekke qol jetkize almaıtyn tásildi iske qosamyz», - deıdi vedomstvo basshysy.

Onyń aıtýynsha, mundaı júıe qazir hlyqqa qyzmet kórsetetin 3 ortalyqta synaqtan ótkizilip jatyr.

«Jyl sońyna deıin júıeni quryp, ony barlyq jerde engizetin bolamyz. Ázirge derbes derekterdi qorǵaýdyń eń pármendi tásili osy», - dedi Baǵdat Mýsın ortalyq kommýnıkatsııalar qyzmetinde ótken baspasóz máslıhatynda.

Atalmysh sharada Baǵdat Mýsın «Vaktsına – «chıp» salý quraly degen teorııa týraly da pikir bildirdi.

Sondaı-aq, mınıstr Saqbol qosymshasynyń jumys prıntsıpin túsindirgen bolatyn.

Onyń málimetine sensek, bıyl elimizde 750 bazalyq ınternet stansasy salynady.