HQO qyzmetkerin soqqyǵa jyqqan buzaqy qylmystyq jaýapkershilikke tartylatyn boldy
Eske salsaq, osy jyldyń tamyz aıynda er adam Almaty qalasynyń Almaly aýdanynyń HQO-ǵa júgingen. Ol óziniń kámelet jasyna tolǵan qyzynyń atynan qyzmet alǵysy kelgeni habarlanǵan bolatyn. Alaıda onyń týystyq qatynasty rastaıtyn qujattary bolmaǵan. Ol kisige qujattardyń tolyq paketin berý qajettiligi birneshe ret túsindirilgenimen, ol qujatsyz-aq qyzmettiń kórsetilýin talap etken. Azamattyń qoqan-loqqysyna qaramastan, operator maman qyzmet kórsetýden bas tartqan. Er adam HQO mamanyn soqqyǵa jyǵyp, murnyn syndyrǵan. Polıtsııa qyzmetkerleri ákimshilik is qozǵap, ony sotqa jibergen.
«Alaıda sot materıaldardy polıtsııa departamentine qylmystyq is qozǵaý úshin qaıtaryp berip otyr. Qazirgi ýaqytta tergeý amaldary júrgizilýde», - dedi búgin Sybaılas jemqorlyqqa qarsy is-qımyl agenttiginiń brıfıngi barysynda «Azamattarǵa arnalǵan úkimet» memlekettik korporatsııasynyń tóraıymy Ásemgúl Baltasheva.
ıAǵnı, kúdikti ákimshilik emes qylmystyq jaýapkershilikke tartylǵan. Ásemgúl Baltashevanyń aıtýynsha, jyl basynan beri Nur-Sultan, Almaty jáne Shymkent qalalaryndaǵy HQO qyzmetkerlerine tap berý boıynsha 8 fakt tirkelgen.
«Kóp jaǵdaıda adamdar úshinshi tarapqa qyzmetterdi notarıaldy kýálandyrylǵan senimhatsyz alǵysy kelgen. Qyzmetkerlerimiz qyzmet kórsetý standartyn saqtaı otyryp, ótinishti qabyldaýdan bas tartqan kezde, qyzmet alýshylar sózge kelip, keıbiri tipti janjal shyǵarǵan. Osy fakti boıynsha materıaldar quqyq qorǵaý organdaryna jiberildi», – dep tolyqtyrdy ol.
