HQO-da jarylǵysh zat bar dep jalǵan habar bergen óskemendik sottaldy
ÓSKEMEN. QazAqparat - Óskemen qalalyq №2 soty polıtsııa qyzmetkerlerine Halyqqa qyzmet kórsetý ortalyǵynda jarylǵysh zat bar dep jalǵan habarlama jasaǵan er adamǵa qatysty úkim shyǵardy, dep habarlaıdy QazAqparat.
Ótken jyldyń 30 mamyrynda 102 kanalyna qońyraý shalǵan 39 jastaǵy qala turǵyny Qazaqstan kóshesi 159/4 mekenjaıynda ornalasqan HQKO-ǵa jarylǵysh zat qoıylǵandyǵy týraly aıtqan. Alaıda bul jalǵan habarlama bolyp shyqty. Osynyń saldarynan memleketke 75 439 teńge mólsherinde materıaldyq zalal keltirilgen.
Tártip saqshylary kúdiktini birden qolǵa túsirip, tergeý amaldaryn bastaıdy. Keıinnen onyń isi sotqa jetken.
«Aıyptalýshy QR Qylmystyq Kodeksiniń 273-babymen (Terrorızm aktisi týraly kórineý jalǵan habarlaý) kináli dep tanylyp, 2 jylǵa bas bostandyǵy shekteldi», – dep habarlady qalalyq №2 sottyń baspasóz qyzmeti.
