HQO-da tehnıkalyq aqaý týyndaǵanda azamattardy kúttirip qoımaýdyń jolyn qarastyrý usynyldy

ASTANA. QazAqparat – Memlekettik qyzmetterdi júıedegi tehnıkalyq aqaý jóndelgennen keıin avtomatty túrde kórsetýdi qarastyrý usynylyp otyr, dep habarlaıdy QazAqparat tilshisi.

«Halyqqa qyzmet kórsetý ortalyqtarynda tehnıkalyq aqaý jıi bolyp turady. Ondaı jaǵdaıda klıentterdiń kútýine týra keledi. Sóıtip, uzyn-sonar kezek paıda bolady. Osy oraıda, sol jerde ótinish qaldyrý múmkindigin qarastyrýdy usynamyz. Klıent rezervtik ótinim berip, qajetti qujattardy qaldyrady. Júıe jumys istegen soń, qyzmet avtomatty túrde kórsetiledi. Demek, azamattarǵa tehnıkalyq aqaýdyń qalpyna kelýin kútip otyrýdyń qajeti joq», - dedi Memlekettik qyzmet isteri agenttigi tóraǵasynyń orynbasary Salaýat Múksimov OKQ-de ótken brıfıngide.

«Keıbir memlekettik qyzmetterdi alý úsh aı ne odan kóp ýaqytqa sozylady. Memlekettik qyzmetter týraly zańnamanyń jetilmeýine baılanysty keıbir qıyndyqtar týyndaıdy. Bul elektrondyq qyzmetter men senimhat alýda kedergi keltiredi. Saldary sol, bıýrokatıkalyq problemalar týyndap, klıentter áýre-sarsańǵa túsedi», - deıdi ol.

Sondaı-aq, agenttik basshysynyń orynbasary memlekettik qyzmetshilerdi artyq jumsaǵan laýazymdy tulǵalarǵa 40 AEK aıyppul salynatyny týraly eskertti.

Memlekettik qyzmet alýda aıyppul kedergi bolmaýy kerektigi de aıtyldy.