HQO-da qymbat nómir úshin aqsha alǵan alaıaqtar ustaldy - Qostanaı oblysy
QOSTANAI. QazAqparat - Qostanaı oblysy polıtsııa departamenti jeke qaýipsizdik basqarmasynyń qyzmetkerleri mamandandyrylǵan HQKO aýmaǵynda aqsha úshin kómegin usynǵan alaıaqtardy qolǵa túsirdi, dep habarlaıdy QazAqparat.
Jýrnalıstermen ótken kezdesýde Qostanaı oblysy polıtsııa departamenti óńirlik qyzmet basqarmasynyń bastyǵy Altynbek Súıinshiálıev habarlaǵandaı, sońǵy ýaqytta aqsha úshin kómekterin usynatyn alaıaqtar kóbeıip barady. Turǵyndar olardy «suranshaqtar» nemese «júgirmekter» dep ataıdy.
Olar tıisinshe avtokólik ıeleriniń barlyq problemasyn sheship beredi-mis.
«Olardyń ekeýi Qostanaı qalasynyń mamandandyrylǵan HQKO aýmaǵynda qala turǵynymen kezdesip, 35 myń teńgege avtokólikti qaıta resimdeý kezinde qymbat nómir alýǵa kómek kórsetýge ýáde berdi. Osy fakti boıynsha qaýipsizdik basqarmasy qylmystyq quqyq buzýshylyq belgilerin aqytady. Qazir «Alaıaqtyq» babymen sotqa deıingi tergeý júrip jatyr», - dedi Altynbek Súıinshiálıev.
Kúdiktiler óz kinásin moıyndady. Polıtseıler HQO-da azamattardyń máselelerin sheshý 20-30 mınýt qana alatynyn eske salady. Ótken jyldan bastap júrgizýshi kýáligin almastyrý jáne avtokólikti tirkeý elektrondyq úkimet portalynda «onlaın» rejıminde iske asyrylady.
