HQO-da kezekte uzaq turmaý úshin ne isteý kerek

ASTANA. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttigi «Tsıfrlyq agenttiń» paıdasyn túsindirdi. Atalǵan mobıldi qosymshany kez kelgen smartfonǵa júktep alýǵa bolady, dep xabarlaıdy QazAqparat tilshisi.

Agenttik tóraǵasynyń orynbasary Oljas Bektanovtyń aıtýynsha, qazirgi kezde qosymshanyń negizgi maqsaty - xalyqqa qyzmet kórsetý ortalyqtarynyń jumys sapasyn baǵalaý.

"Máselen, adam HQO-da uzaq otyryp qalsa, mobıldi qosymsha arqyly sıgnal berýge bolady. Ol úshin qosymshaǵa kirip, "kezekte uzaq otyryp qaldym" dep jazyp jiberý kerek. Osydan bastap ortalyq basshylyǵyna bes mınýt beriledi. Olar kezekte otyryp qalǵan adamǵa baryp, máseleniń mán-jaıyn túsindirýge mindetti. Eger bes mınýttyń ishinde ol adamnyń máselesi sheshilmese, sıgnal avtomatty túrde bizge - agenttiktiń jergilikti qurylymdaryna túsedi. Sol kezde biz baqylaýshy organ retinde aralasamyz", - dedi O.Bektenov QR Parlament Senatynda ótken jıynda.

Onyń sózine qaraǵanda, aldaǵy ýaqytta atalǵan qyzmetti memlekettik kirister departamenterinde, emxanalar men mektepterde engizý josparlanǵan.

Aıta keteıik, O.Bektenov agenttigi kólikti baqylaý salasyndaǵy jemqorlyq faktilerin de jarııalady. Al QR Parlament Senatynyń depýtaty Talǵat Musabaev keń jolaqty ınternetti KazSat jer serikteri arqyly taratýdy usyndy.