HQO-da 500 myń qazaqstandyqqa tsıfrlyq saýattylyq sabaǵy ótedi

ASTANA. QazAqparat - «Tsıfrlyq Qazaqstan» memlekettik baǵdarlamasy aıasynda turǵyndardyń tsıfrlyq saýattylyǵyn arttyrýǵa arnalǵan «Elektrondy úkimet jáne elektrondy memlekettik qyzmetter» kýrsy boıynsha oqý baǵdarlamasy jasaldy, dep habarlaıdy QazAqparat tilshisi.

Bul jaıly Ortalyq kommýnıkatsııalar qyzmetinde  memlekettik korporatsııasynyń basqarma tóraǵasy Abylaıhan Ospanov málim etti.

«Azamattarǵa arnalǵan úkimet» korporatsııasynyń basty mindetteriniń biri - turǵyndarǵa «Tsıfrlyq Qazaqstan» baǵdarlamasy aıasynda elektrondyq portaldy paıdalanýdy úıretip, ózdiginen memlekettik qyzmetti alýǵa baýlý», - dedi ol.

A. Ospanovtyń aıtýynsha, bıyl elimizdegi barsha oblys ortalyqtarynda tsıfrlyq halyqqa qyzmet kórsetý ortalyqtaryn iske qosý josparda bar. Búgingi tańda tsıfrlyq HQO-lar Astanada, Almatyda jáne Shymkentte jumys istep tur.

«Mundaı ortalyqtardyń artyqshylyǵy sol, olarda tsıfrlyq saýattylyqty arttyrý synyptary bar. 2018 jyldyń 4 aıynda osyndaı synyptarda 3,6 myńnan astam oqyp shyqty», - deıdi «Azamattarǵa arnalǵan úkimet» korporatsııasynyń basshysy.

Budan tys, jyl basynan beri memlekettik jáne jekemenshik oqý oryndarynda (JOO, kolledjderde) 10 myńnan astam adam tsıfrlyq qyzmet alý daǵdylaryn meńgergen.

Abylaıhan Ospanovtyń sózine qaraǵanda, ústimizdegi jyldyń maýsymynan tamyzǵa deıin «Ulttyq aqparattyq tehnologııalar» AQ, «Qazposhta», «Zerde» jáne jergilikti atqarý organdarymen yntymaqtastyqta jarty mıllıonǵa jýyq azamat tsıfrlyq saýattylyǵyn arttyrady.

Búgingi tańda búkil elde sertıfıkaty bar 880 tálimger buǵan daıyn otyr. Tsıfrlyq sabaqtar qala turǵyndarymen qatar, aýdan, aýyldyq jerlerdiń halqyna da qoljetimdi.