HQKO jumysyn úılestirý jáne memlekettik qyzmetterdi avtomattandyrýdy baqylaý jónindegi komıtetiniń tóraǵasy taǵaıyndaldy
ASTANA. 5 sáýir. QazAqparat - Qazaqstan Respýblıkasynyń Baılanys jáne aqparat mınıstri Asqar Jumaǵalıevtiń buıryǵymen Baılanys jáne aqparat mınıstrliginiń Halyqqa qyzmet kórsetý ortalyǵynyń jumysyn úılestirý jáne memlekettik qyzmetterdi avtomattandyrýdy baqylaý jónindegi komıtetiniń tóraǵasy laýazymyna Baqyt Ábishev taǵaıyndaldy.
Bul týraly QR Baılanys jáne aqparat mınıstrliginiń baspasóz qyzmeti málim etti.
Baqyt Ábishev 1965 jyly Ońtústik Qazaqstan oblysynda týǵan. Qazaq Memlekettik Ýnıversıtetin «Quqyqtaný» mamandyǵy boıynsha bitirgen.
Taǵaıyndaýǵa deıin Qazaqstan Respýblıkasy Joǵary soty janyndaǵy Sottar qyzmetin qamtamasyz etý departamentiniń Quqyqtyq qamtamasyz etý bólimi meńgerýshisiniń qyzmetin atqarǵan.
B.Ábishevtiń taǵaıyndalýy Baılanys jáne aqparat mınıstrliginiń aldyna qoıylǵan HQKO jumysyn uıymdastyrý jáne baqylaý jónindegi jańa mindetterge baılanysty. Baqyt Ábishev HQKO-men jumys tájirıbesi 2007 jyldan bastalǵanyn atap ótý kerek. Budan buryn ol QR Ádilet mınıstrliginiń Tirkeý qyzmeti jáne quqyqtyq kómek kórsetý komıteti tóraǵasynyń qyzmetin atqarǵan.
Komıtet tóraǵasynyń orynbasarlary bolyp Baǵdat Mýsın jáne Rýslan Maǵzumov taǵaıyndaldy.
