HQKO jáne medıtsınalyq mekeme qyzmetkerleri qylmystyq is boıynsha kúdikke ilindi
ASTANA. KAZINFORM – Qaraǵandyda zańsyz kóshi-qondy uıymdastyrýmen aınalysatyn qylmystyq toptyń qyzmeti áshkerelendi.
Oblys prokýratýrasy UQK departamentimen birlesip, sheteldikterge ýaqytsha turýǵa 700-den astam ruqsatty zańsyz berýdi uıymdastyrǵan qylmystyq toptyń qyzmetin áshkereledi.
- Qylmystyq shemaǵa HQKO, medıtsınalyq mekemelerdiń qyzmetkerleriniń jáne «kómekshiler» dep atalatyndardyń kirgeni anyqtaldy, - delingen habarlamada.
Zańsyz kóshi-qondy uıymdastyrýdyń atalǵan faktisi oblys prokýratýrasynyń AEK-ine tirkelip, sotqa deıingi tergeý júrgizý úshin UQKD TB-ǵa jiberildi, qazirgi ýaqytta úsh aıyptalýshy sotqa berildi.
QPK-niń 201-babyna sáıkes tergeý múddesinde istiń mán-jaılary jarııa etýge jatpaıdy.
Eske salsaq Mańǵystaý oblysynda qylmystyq top músheleri sottaldy.