HQKO ýaqytty únemdeý úshin kezekke turýdyń onlaın júıesin usyndy
ASTANA. QazAqparat - Halyqqa qyzmet kórsetý ortalyǵy klıentterdiń ýaqytyn únemdeý maqsatynda kezekke onlaın júıesi arqyly turý qyzmetin usynyp otyr, dep habarlady atalǵan mekemeniń baspasóz qyzmetinen.
Onlaın qyzmet kórsetý tártibi úsh qadamnan turady. Qajet talaptardy oryndaǵan soń , «Aldyn ala kelisý nátıjesi» týraly habarlama alýǵa bolady.
«Jaz mezgilinde HQKO-ǵa halyq óte kóp keledi. Usynylyp otyrǵan qyzmet túri klıentterge yńǵaıly, adamdar uzyn sonar kezek kútip turýǵa endi májbúr bolmaıdy», - deıdi «HQKO» RMK bas dırektory M.Aıtýǵanov. HQKO taratqan málimetke súıensek, jaz maýsymynyń 2 aıynda 300 000-daı adam ortalyq qyzmetine júgingen. M.Aıtýǵanov bul kórsetkish tamyz aıynda tipti artatynyn aıtady. «Tamyzda birinshi synyp oqýshylarynyń ata-analary mekenjaı anyqtamasyn alýǵa júginedi. Sebebi, balany mektepke qabyldaý úshin osy anyqtamany usyný qajet bolady, dál osy kezde onlaı kezekke turý qyzmetiniń kerek ekeni anyq», - dedi ol. Bul múmkindikti myna elektrondyq úkimet portalynda iske asyrýǵa bolady. Atalǵan qyzmetti HQKO-da ǵana emes, elektrondyq úkimet portaly arqyly úıdegi kompıýter arqyly da júzege asyrýǵa bolady. Mekenjaı anyqtamasyn alý da birneshe mınýttarǵa ǵana sozylady. Mekenjaı anyqtamasyn qalaı alýǵa bolatyndyǵy týraly aqparatty myna jerde bilýge bolady.
