HQKO-larda jumyspen qamtý qyzmeti kórsetiledi
ASTANA. QazAqparat - Astanadaǵy birqatar halyqqa qyzmet kórsetý ortalyqtarynda jumyspen qamtý ortalyqtarynyń mamandary halyqty qabyldap jatyr.
Sol jerde mindetti áleýmettik medıtsınalyq saqtandyrýǵa qatysty barlyq aqparatty alýǵa bolady, dep habarlaıdy QazAqparat tilshisi «Azamattarǵa arnalǵan úkimet» memlekettik korporatsııasyna silteme jasap.
«2017jyly 1 shildeden bastap Qazaqstanda mindetti áleýmettik medıtsınalyq saqtandyrý (MEMS) júıesi engiziledi. Oǵan Qazaqstannyń árbir azamaty qatysýǵa mindetti. Osyǵan oraı, Astanadaǵy Respýblıka dańǵyly, Dostyq pen Sátbaev kóshelerinde ornalasqan halyqqa qyzmet kórsetý ortalyqtarynda jumyspen qamtý ortalyqtarynyń mamandary jumys istep jatyr. Sol jerde Astananyń turǵyndary men qonaqtary bos jumys oryndary, memleket tarapynan jumyssyzdarǵa beriletin kómek, jumyssyz retinde tirkelý jáne taǵy basqa aqparatpen tanysa alady», - deligen resmı habarlamada.
Aıta keteıik, aǵymdaǵy jyly 1 shildeden bastap Qazaqstandaǵy barlyq jumys berýshiler jumysshylar úshin mindetti áleýmettik medıtsınalyq saqtandyrý qoryna arnaıy jarnany aýdaratyn bolady. Ol aqshadan memleket tarapynan kepildik berilmegen medıtsınalyq qyzmetterdiń shyǵyny óteledi. Al jumyssyzdar, zeınetkerler, múgedektermen bala kútimimen otyrǵan áıelder úshin arnaıy jarna bıýdjetten aýdarylady.
