HQKO-lar jyl basynan beri 10 mln-nan astam qyzmet kórsetti - KKM
ASTANA. 19 jeltoqsan. QazAqparat - Halyqqa qyzmet kórsetý ortalyqtary jyl basynan beri 10 mıllıonnan astam qyzmet kórsetti. Bul týraly QR Kólik jáne kommýnıkatsııa mınıstrligi taratqan aqparatta aıtylǵan.
«Memlekettik qyzmetterdi avtomattandyrýdy baqylaý jáne HQKO qyzmetin úılestirý komıtetiniń aqparatyna sáıkes, aǵymdaǵy jyldyń 1 qańtarynan bastap búgingi kúnge deıin elimizdiń HQKO 10 mln. astam qyzmet kórsetken», - delingen habarlamada.
Vedomstvonyń atap ótýinshe, turǵyndar arasynda eń kóp suranysqa qujattandyrý men azamattardy tirkeý, mekenjaı anyqtamasyn alý, jyljymaıtyn múlikke tirkelgen quqyqtar (aýyrtpalyqtar) men onyń tehnıkalyq sıpattamasy týraly anyqtamany alý, sottalǵany nemese sottalmaǵany týraly anyqtamany alý qyzmetteri ıe bolyp tabylady.
Jalpy búgingi kúnge deıin 249 HQKO jańǵyrtylǵan. Olarda jańa bıznes protsester júzege asyrylyp, ǵımarattarǵa jóndeý jumystary júrgizilgen, kedergisiz qyzmet kórsetý, biryńǵaı elektrondyq kezek engizilgen.
