HQKO-lar jer qatynastary jáne arhıtektýra máseleleri boıynsha qyzmet kórsetetin bolady - Ádilet mınıstrligi
ASTANA. Sáýirdiń 26-sy. QazAqparat /Arman Asqarov/ - Elimizdegi Halyqqa qyzmet kórsetý ortalyqtary aldaǵy ýaqytta jer qatynastary jáne arhıtektýra máseleleri boıynsha qyzmet kórsetetin bolady.
Bul týraly Úkimettiń búgingi selektorlyq keńesinde QR Ádilet mınıstri Rashıd Túsipbekov aıtty, dep habarlaıdy QazAqparat.
Mınıstrdiń aıtýynsha, búgingi tańda ortalyqtar qyzmet kórsetýdiń 65 túrin usynyp keledi. «Aldaǵy ýaqytta ortalyqtardyń qyzmet kórsetý aıasy keńeıip, jer resýrstary jáne arhıtektýra máseleleri boıynsha qyzmet kórsetý jumysy da osy ortalyqtarǵa beriletin bolady», - deıdi R.Túsipbekov.
Onyń málimeti boıynsha, búgingi tańda respýblıka aýmaǵyndaǵy halyqqa qyzmet kórsetý otalyqtarynyń jalpy sany 335-ke deıin jetip otyr. Bıyl osy salaǵa bólingen respýblıkalyq transfertterdiń kólemi 7 mlrd. 836 mln. teńgeni qurady.
