HQKO-lar Tsıfrlyq keńsege aınalady

ASTANA. KAZINFORM – Halyqqa qyzmet kórsetý ortalyqtary Tsıfrlyq keńsege aınalady. Bul týraly búgin Úkimet otyrysynda Premer-mınıstrdiń orynbasary – Jasandy ıntellekt jáne tsıfrlyq damý mınıstri Jaslan Mádıev aıtty.

- Jyl boıy Halyqqa qyzmet kórsetý ortalyqtaryna azamattar shamamen 15 mln ret keldi. Bul trafıktiń 80 paıyzy TOP-10 memlekettik qyzmetke qatysty. Ótken jyly biz atalǵan qyzmetterdi tolyqtaı tsıfrlandyrýdy bastadyq. Keıbirin qazirdiń ózinde balamasyz onlaın formatqa kóshirdik, - dedi ol.

Vıtse-premerdiń aıtýynsha, osydan keıin Halyqqa qyzmet kórsetý ortalyqtaryna keletin adamdar sanynyń kúrt tómendeýi baıqaldy.

- Osyǵan baılanysty atalǵan ortalyqtar Apple Store sııaqty halyqqa arnalǵan Tsıfrlyq keńsege qaıta uıymdastyrylady. Azamattar ózine-ózi qyzmet kórsetý arqyly qyzmet alady. Ákimderge tıisinshe jaraqtanýyn qamtamasyz etýdi suraımyz. Halyqqa arnalǵan jaıly Tsıfrlyq keńse ákimdikterdiń azamattar úshin vızıt kartasy sanalady, - dedi Jaslan Mádıev. 

Buǵan deıin Halyqqa qyzmet kórsetý ortalyqtarynda jańa qyzmet túri iske qosylǵanyn jazǵan edik.