HQKO-lar naýryz aıyndaǵy merekelerde qalaı jumys isteıdi
ASTANA. KAZINFORM — «Azamattarǵa arnalǵan úkimet» memlekettik korporatsııasy Halyqqa qyzmet kórsetý ortalyqtarynyń (HQKO) jáne mamandandyrylǵan HQKO-lardyń Qazaqstan boıynsha Halyqaralyq áıelder kúni men Naýryz merekesi kezindegi jumys kestesi týraly málimdeme jasady.
Halyqaralyq áıelder kúnine oraı 8 jáne 9 naýryzda HQKO-lar men MHQKO-lar jumys istemeıdi.
Dúısenbi kúni, 10 naýryzda azamattardy tek kezekshi ortalyqtarda saǵat 09:00-13:00 aralyǵynda qabyldaıdy.
Dál osy jumys kestesi 25 naýryzda da saqtalady. Al 21, 22, 23 jáne 24 naýryzda Naýryz merekesine baılanysty demalys kúnderi.
Aıta ketelik Qazaqstanda demalys kúnderi bolyp 8-10 naýryz jáne 21-25 naýryz jarııalandy.
Eske salsaq Almatyda naýryzdan bastap kezekshi HQKO-lar aýysatyny týraly jazǵan edik.