HQKO-lar mereke kúnderi qalaı jumys isteıdi
ASTANA. KAZINFORM — Qazaqstanda HQKO-lardyń merekelik kúnderdegi jumys kestesi jarııalandy.
— Qazaqstan Respýblıkasy kúni merekesine oraı, halyqqa qyzmet kórsetý ortalyqtary men mamandandyrylǵan HQKO-lar dúısenbi, 26 qazan kúni jumys istemeıdi. 24 qazan, senbi kúni kezekshi HQKO men mamandandyrylǵan HQKO-lar jumys isteıdi. Kezekshi HQKO-lar saǵat 9:00–den 13:00–ge deıin azamattardy qabyldaıdy, — delingen «Azamattarǵa arnalǵan úkimet» Memlekettik korporatsııasynyń habarlamasynda.
Mamandandyrylǵan HQKO-larda ótinishter saǵat 9:00–den 12:00–ge deıin qabyldanyp, daıyn qujattar 13:00–ge deıin beriledi.
Seısenbi, 27 qazannan bastap HQKO men mamandandyrylǵan HQKO-lar ádettegi jumys kestesine sáıkes qyzmet kórsetedi.
Buǵan deıin HQKO-ǵa júginýdiń 79 paıyzyn quraıtyn 10 qyzmet onlaın formatqa kóshirilgenin jazǵanbyz.
