HQKO qyzmetkerleri reseılikterge ETsQ satatyn bolsa jazalanbaq

ASTANA. QazAqparat – Halyqqa qyzmet kórsetý ortalyǵynan elektrondy tsıfrlyq qoltańba alýshy reseılikterdi bıometrııalyq tásil arqyly tekserý múmkin emes. Bul týraly «Azamattarǵa arnalǵan úkimettiń» basqarma tóraǵasy Súıenish Ábdildın Ortalyq kommýnıkatsııalar qyzmetinde aıtty, dep habarlaıdy QazAqparat tilshisi.

«Halyqqa qyzmet kórsetý ortalyqtarynda qyzmetkerler Reseı azamattaryna elektrondy tsıfrlyq qoltańba kiltterin 10 myń teńgege jasap berip jatyr degen aqparat taraýda. Bul rastalǵan málimet pe? Mınıstrlik bul máseleni qashan baqylaýǵa alady», - dep surady brıfıngide BAQ ókili.

«Árıne, mundaı ár túrli aqparattardy jeliden biz de kórip turamyz. Qazaqstandyqtarǵa ETsQ bergen kezde qosymsha qyzmetter bolmaýy úshin biz bıometrııalyq servısterdi iske qostyq. Biraq qazaqstandyqtardyń bıometrııalyq derekteri memlekettik derekter bazasynda bolǵandyqtan biz olardy teksere alamyz. Al sheteldik azamattarǵa qatysty máseleni «posledkontrol» degen bar. Sol tetik arqyly qadaǵalap jatyrmyz. Eger mundaı jaǵdaılar tirkelse jáne dáleldense ondaı adamdarmen, qyzmetkerlermen kelisimsharttyń kúshin joıamyz», - dedi Súıenish Ábdildın.