HQKO qyzmetkeri: 12 saǵattyq jumys aýyr tıip jatqan joq
ASTANA. QazAqparat - Búgin Qazaqstandaǵy búkil qalalarda halyqqa qyzmet kórsetý ortalyqtary 12 saǵattyq jumys kestesine aýysty. Astana qalasy Saryarqa aýdanyna qarasty halyqqa qyzmet kórsetý ortalyǵy 5-shi bóliminiń mamany Juldyz Nurǵazına 12 saǵat bolsa da, aýyspaly kezekpen jumys isteý yńǵaıly deıdi.
«Sharshap jatqan joqpyz. Qazir birneshe kezekpen jumys isteýdemiz. Jalpy, qyzmetkerlerge óte yńǵaıly jumys kestesi usynylyp otyr. Kezekpen aýysyp jumys isteımiz, ári túski asqa arnalǵan úzilis bar»,-deıdi qyzmetker. 
Onyń aıtýynsha, ýaqytsha tirkeýge turý naýqanyna baılanysty, HQKO-larǵa keletin adamdar kóbeıgen. Degenmen, kóp kezek joq, deıdi J.Nurǵazına.
«Men ózim kúnine 40-50 adamdy qabyldaımyn. Úlgerip jatyrmyn. Kezek kóp emes, degenmen, túski úzilis kezinde jáne keshki saǵat 17.00-ge qaraı adam sany kóbeıedi»,-deıdi ol.
Esterińizge sala keteıik, búgin Qazaqstandaǵy qalalardyń barlyǵynda halyqqa qyzmet kórsetý ortalyqtary 12 saǵattyq jumys kestesine aýysty. Saǵat 8.00-20.00 aralyǵynda jumys isteý kestesine kóshken HQKO-lar tizimin myna jerden oqı alasyzdar.
