HQKO-ǵa qatysty kóptegen shaǵymdar túsýde – agenttik
«Bizge áleýmettik jeliler arqyly azamattardan halyqqa qyzmet kórsetý ortalyǵynyń qyzmetine qatysty kóptegen shaǵymdar kelip túsip jatyr. Óz kezegimizde biz bul máseleni taldap, tıisti shara qoldanatyn bolamyz. Búgin Nur-Sultan qalasyndaǵy mamandandyrylǵan halyqqa qyzmet kórsetý ortalyǵynyń jumysy barysymen tanysýǵa arnaıy kelip otyrmyz. Jalpy alatyn bolsaq, bul bizdiń agenttiktiń quzyretine kirmeıtin mindet. Degenmen adamdardan shaǵym kelip túskendikten, halyq únine qulaq asyp monıtorıng júrgizip jatyrmyz», - dedi QR Sybaılas jemqorlyqqa qarsy is-qımyl agenttigi tóraǵasynyń orynbasary Oljas Bektenov.
Onyń aıtýynsha, HQKO-daǵy búgingi másele kezekti onlaın brondaý men qyzmet alýǵa qatysty bolyp otyr.
«Bul máseleni Ulttyq aqparattyq tehnologııalar basshylyǵymen birlesip sheshemiz. ıAǵnı 3 tamyzǵa deıin HQKO-daǵy kezekti brondaý problemasy birjaqty bolady. Osy turǵyda quzyretti organdardyń jumysyndaǵy kemshiliktiń baryn aıtyp ótken jón, biz ony jasyrmaımyz. Halyqqa qyzmet kórsetý ortalyǵy qyzmetindegi taǵy bir kedergi alypsatarlardyń problemasy. Negizi alypsatarlardyń máselesimen quqyq qorǵaý organdary aınalysýy tıis, sebebi ol sybaılas jemqorlyq áreketine jatpaıdy», - dedi ol.
Agenttik tóraǵasy orynbasarynyń pikirinshe, memlekettik qyzmet kórsetýdiń sapasyn arttyrý úshin qoǵamdyq baqylaýdy kúsheıtý kerek.
Eske salsaq, jemqorlyqpen kúres organdary mamandandyrylǵan HQKO-ny tekseredi. Sondaı-aq, QR Tsıfrlyq damý, ınnovatsııalar jáne aeroǵarysh ónerkásibi mınıstriniń mindetin atqarýshy, birinshi vıtse-mınıstr Baǵdat Mýsın mamandandyrylǵan halyqqa qyzmet kórsetý ortalyqtaryǵady jemqorlyqpen kúrestiń jańa tásilin usyndy.