HQKO-da jańa termınal: qujattardy jyldam ári óz betinshe alýǵa bolady
Atalmysh termınaldardyń qyzmeti jónindegi óziniń Facebook paraqshasynda QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın jazdy.
«Búgin Іshki ister mınıstri Marat Muratuly Ahmetjanovpen birge jeke kýálikter men tólqujattardy resimdeýge arnalǵan jańa termınaldyń tusaýkeserine qatystyq. Endi qazaqstandyqtar qujattardy óz betinshe ári jyldam alýǵa ótinim bere alady.
Kezek kútýge, sodan keıin kóshi-qon qyzmetiniń qyzmetkerinen tirkeýden ótip, sýretke túsip, tólem jasaý úshin kassaǵa bólek júgirýge ýaqyt jumsaýdyń qajeti joq. Qujattaý termınaly bárin bir jerde jasaýǵa múmkindik beredi, sonymen qatar árbir adam qujat úshin sátti túsken fotosýretin óz betinshe tańdaı alady. Protsess 10 mınýt ýaqyttan aspaıdy.
Alaıda, qatelikter men túsinispeýshilikterdi boldyrmaý úshin ótinish berýshige kóshi-qon qyzmetiniń qyzmetkerine júginý qajet bolady. Ol ótinishtiń, fotosýrettiń jáne qoltańbanyń sáıkestigin tekseredi»,-deıdi mınıstr.
Onyń sózinshe, ázirge mundaı termınal tek Astana qalasynda Kereı men Jánibek handar kóshesiniń 4/1 úıinde ornalasqan HQKO-da ornatylǵan. Aldaǵy ýaqytta osy jobany barlyq óńirlerde iske asyrý josparlanyp otyr.
Mundaı jańashyldyqtar – bizdiń qoǵam men memlekettik organdardy bıýrokratııadan aryltýǵa, memlekettik qyzmetter kórsetýdiń ashyqtyǵyna jáne invisible government (kórinbeıtin memleket) tujyrymdamasyn iske asyrýǵa baǵyttalǵan kezekti qadam. Bul týraly Memleket basshysy óz sózinde birneshe ret aıtqan bolatyn. Biz qyzmet kórsetý salasynyń sapaly ári jedel bolýyn qamtamasyz etýge tyrysatyn bolamyz.
«Azamattarǵa arnalǵan úkimet» memlekettik korporatsııasy jobany Qazaqstan Respýblıkasynyń Іshki ister mınıstrligimen, onyń ishinde Kóshi-qon qyzmeti komıtetimen jáne ІІM Aqparattyq-óndiristik ortalyǵymen ózara tyǵyz is-qımyl jasaı otyryp ázirledi. Áriptesterime qajyrly eńbegi men jobany iske asyrýǵa járdemdeskenderi úshin alǵys aıtqym keledi»,-dep jazdy Baǵdat Mýsın.