HQKO-da kezek kútý ýaqyty 2 saǵattan 40 mınýtqa qysqartyldy

ASTANA. KAZINFORM — Halyqqa qyzmet kórsetý ortalyqtarynda kezekte turý ýaqyty 120 mınýttan 40 mınýtqa deıin qysqardy. Bul týraly Іshki ister mınıstrliginiń baspasóz hatshysy Shuǵyla Turlybek aıtty.

— «HQKO qyzmetkerleriniń azamattardy qujattandyrýy» jobasy respýblıkalyq mańyzy bar qalalarda jáne elimizdiń barlyq oblys ortalyǵynda júzege asyrylýda. 2022 jyldan, ıaǵnı joba iske qosylǵan sátten bastap, kezekte turý ýaqyty 120 mınýttan 40 mınýtqa deıin qysqaryp, qyzmet alýshylardyń sany artty. Jalpy HQKO qyzmetkerleri 1 508 346 adamdy qujattandyrdy, — dedi ol vedomstvonyń baspasóz qyzmeti alańynda ótken brıfıngte.

Onyń atap ótýinshe, ІІM Densaýlyq saqtaý jáne Ádilet mınıstrlikterimen birlesip, 2023 jyldyń maýsymynan bastap, jańa týǵan nárestelerge JSN berý boıynsha jobany iske asyryp jatyr. 

— Qazirdiń ózinde 45 281 JSN berildi. Joba jańa týǵan nárestelerdi memlekettik organdardyń barlyq aqparattyq júıelerinde esepke qoıýǵa múmkindik beredi. Bul balalar saýdasynyń aldyn alýǵa septigin tıgizedi. Sondaı-aq, ol týý týraly kýálik berý, analarǵa arnalǵan járdemaqylardy shyǵarý, balabaqshalar men mektepterge esepke qoıý sııaqty memlekettik qyzmetterdi alýǵa kómektesedi, — dedi Shuǵyla Turlybek.

Buǵan deıin 2024 jyly polıtsııa turǵyndarǵa 12 mln memlekettik qyzmet kórsetkenin jazǵan edik.