HQKO bazasynda «Azamattar úshin úkimet» memlekettik korporatsııasy qurylady

Bul týraly búgin QR Parlamenti Májilisinde «Qazaqstan Respýblıkasynyń keıbir zańnamalyq aktilerine memlekettik kórsetiletin qyzmetter máseleleri boıynsha ózgerister men tolyqtyrýlar engizý týraly» QR Zańy jobasyn tanystyrǵan Investıtsııalar jáne damý vıtse-mınıstri Sáken Sársenov málim etti.

«HQKO-lar ótinimder qabyldaý jáne nátıjelerin berýdi ǵana júzege asyra otyryp, tek front-keńse qyzmetterin kórsetýde. Áleýmettik qorǵaý, jer qatynastary, jyljymaıtyn múlikti rásimdeý qyzmetterin kórsetetin basty RMK-lardy qosý arqyly «Azamattar úshin úkimet» memlekettik korporatsııasyn qurý tek qana ótinimderdi qabyldap qana qoımaı sonymen birge olardy óńdeý jumystaryn da oryndaýǵa múmkindik beredi. Halyqqa qyzmet kórsetý ortalyqtary jumysynyń oń tájirıbesin eskere otyryp, biryńǵaı provaıderdi «Jer kadastrynyń ǵylymı-óndiristik ortalyǵy» RMK, «Jyljymaıtyn múlik ortalyǵy», RMK jáne «Zeınetaqy tóleý jónindegi memlekettik ortalyq» RMK-ni qosyý arqyly HQKO-lar bazasynda qurý usynylady», - dedi vıtse-mınıstr.

Onyń atap ótýinshe, zań jobasy «Azamattar úshin úkimet» memlekettik korporatsııasy uǵymyn zań júzinde bekitýdi , sondaı-aq «Jer kadastrynyń ǵylymı-óndiristik ortalyǵy» RMK, «Jyljymaıtyn múlik ortalyǵy», RMK jáne «Zeınetaqy tóleý jónindegi memlekettik ortalyq» RMK kórsetken memlekettik qyzmetterdi memlekettik korporatsııanyń kórsetýin, memlekettik qyzmetter kórsetý rásimderin jetildirýdi, memlekettik kórsetiletin qyzmetterdi ońtaılandyrýdy kózdeıdi.