HQKO arqyly memlekettik qyzmetterdi kórsetý tetigin Astana jáne Almaty joǵary oqý oryndarynyń stýdentteri zertteıdi
ASTANA. 5 jeltoqsan. QazAqparat -Tıisti memorandýmǵa HQKO RMK men «Týran-Astana» ýnıversıteti jáne T.Rysqulov atyndaǵy QazEÝ Ekonomıkalyq kolledji qol qoıdy.
2014 jyldan bastap T.Rysqulov atyndaǵy Kazaq ekonomıkalyq ýnıversıtetiniń negizinde sabaq ótkizý josparlanǵan.
Memlekettik qyzmetterdi avtomattandyrýdy baqylaý jáne halyqqa qyzmet kórsetý ortalyqtarynyń qyzmetin úılestirý komıtetiniń tóraǵasy Baǵdat Mýsın aıtýynsha, «HQKO arqyly memlekettik qyzmetterdi kórsetý negizderi» páni negizinde stýdentter «biryńǵaı tereze» qaǵıdaty boıynsha jeke jáne zańdy tulǵalarǵa memlekettik qyzmetterdi kórsetý salasynda tájirıbelik bilim alatyn bolady.
Aıtylǵan pán boıynsha oqý-ádistemelik keshen ázirlengen jáne «Áleýmettik qyzmet kórsetý», «Menedjment», «Memlekettik jáne jergilikti basqarý» jáne «Quqyqtaný» fakýltetteriniń stýdentterine HQKO RMK ǵylymı dárejesi jáne halyqqa qyzmet kórsetý ortalyqtary júıesinde jumys tájirıbesi bar qyzmetkerler dáris beredi. Teorııalyq sabaqtardan basqa Almaty qalasyndaǵy «Halyqqa qyzmet kórsetý ortalyqtary» RMK aýdandyq bólimshelerinde stýdentterdiń óndiristik tájirıbeden ótýi uıymdastyrylǵan.
Joǵary oqý oryndarymen árekettesý tetigin jáne sabaq berý ádisterin ótegennen keıin alynǵan tájirıbeni basqa da oqý oryndarda qoldaný josparlanyp otyr. Bolashaqta QR Bilim jáne ǵylym mınıstrligine «Memlekettik qyzmetter» jańa mamandyǵyn ashý jáne ony «QR joǵary jáne joǵary oqý ornynan keıingi mamandyqtar klassıfıkatoryna» engizý usynylady.
