«Hızb ýt-Tahrır» músheleri mingen 25 avtokólik ustaldy
ASTANA. 28 sáýir. QazAqparat - Daǵystan polıtsııasy «Hızb ýt-Tahrır» tyıym salynǵan ekstremıstik uıymynyń aktsııasyna tosqaýyl qoıdy, dep habarlaıdy RBK.
Daǵystan ІІM baspasóz qyzmetiniń habarlaýynsha, uıymnyń jalaýy jelbiregen 25 avtokólik Kızlıar qalasyna kirmek bolady, alaıda olar qalanyń shekarasynda polıtseılermen toqtatyldy.
Nátıjesinde 25 adam ustaldy, sonyń ishinde tártipsizdikter uıymdastyryp, polıtsııaǵa qarsylyq kórsetken Magomed Kartashev ta boldy. Ustalǵandarǵa qatysty quqyqtyq sheshim aldaǵy ýaqyt enshisinde.
«Hızb ýt-Tahrır» (Islamdyq azat etý partııasy) 1953 jyly qurylǵan. Búkil álemde ıslam memleketin qurýdy maqsat etetin uıymnyń qyzmetine kóptegen elderde, sonyń ishinde Reseıde de, tyıym salynǵan. Kórshi eldiń joǵarǵy soty uıymnyń qyzmetin lańkestik dep tanyǵan bolatyn.
