HІV Qazaqstan halqy tilderi festıvali aıasynda ózge ult ókilderi arasynda respýblıkalyq «Abaı oqýlary» baıqaýy ótedi

Baıqaý memlekettik tildiń qoldaný aıasyn keńeıtý jáne Abaı shyǵarmashylyǵyn nasıhattaý arqyly qazaq mádenıetine, tili men ádebıetine degen ózge ult ókilderiniń yqylasyn arttyrý, qazaqstandyq rýhanı birlikti qýattaý, otansúıgishtik sezimdi arttyrý maqsatyn kózdeıdi.

QazAqparat baıqaýdyń erejesiniń mátinin taratady.

 «Abaı oqýlary» respýblıkalyq baıqaýynyń

EREJESІ

Qazaqstan Respýblıkasy Mádenıet mınıstrliginiń Til komıteti memlekettik tildiń qoldaný aıasyn keńeıtý jáne Abaı shyǵarmashylyǵyn nasıhattaý arqyly qazaq mádenıetine, tili men ádebıetine degen ózge ult ókilderiniń yqylasyn arttyrý, qazaqstandyq rýhanı birlikti qýattaý, otansúıgishtik sezimdi arttyrý maqsatynda 2012 jylǵy qyrkúıek aıynda HІV Qazaqstan halqy tilderi festıvali aıasynda ózge ult ókilderi arasynda respýblıkalyq «Abaı oqýlary» baıqaýyn ótkizedi.

Baıqaýdyń mindetteri:

1. Qazaq tiliniń kórkemdik erekshelikterin, baı qoryn Abaı shyǵarmalary arqyly nasıhattaý;

2. Abaı shyǵarmalary negizinde qoǵamdyq ynty­maqtastyqty ornyqtyrý;

3. Abaı shyǵarmalary arqyly kórkemsóz oqý sheberligin, til mádenıetin jetildirý;

4. Abaı shyǵarmalaryn til úırenýdiń tıimdi ádisi retinde tanytý.

Baıqaý sharttary:

«Abaı oqýlary» baıqaýyna Qazaqstanda turatyn ózge ult ókilderi shaqyrylady. Ár oblystan jáne Almaty, Astana qalalarynan kórkem sóz oqý men án aıtý sheberlikterin qatar ıgergen 16 - 30 jas aralyǵyndaǵy 1 úmitkerden qatysa alady.

Baıqaý úsh tapsyrmadan turady:

1. Kórkem sóz oqý sheberligin aıqyndaý:

- Abaı shyǵarmalaryn (poezııa, qara sózderi) qazaq tilinde jatqa oqý;

- «Abaı joly» romanynan qazaq tilinde jatqa úzindi oqý.

2. Ánshilik qabiletin tanytý - Abaı ánderin nemese qazaq halyq ánderin oryndaý (1 án).

Baıqaý eki kezeńde ótedi.

Birinshi kezeń - oblystyq (qalalyq) irikteý baıqaýlary (aımaqtyq baıqaýdyń jeńimpazdary týraly aqparattar ústimizdegi jylǵy tamyzdyń 20-na deıin Til komıtetine joldanýy tıis);

Ekinshi kezeń - respýblıkalyq baıqaý, Qazaqstan halqy tilderi festıvaliniń aıasynda qyrkúıek aıynda ótedi.

Respýblıkalyq baıqaýdyń sarapshylary baıqaýǵa qatysýshylardy aldyn-ala tyńdap, sahnadan oqyla­tyn óleńderin irikteıdi.

Úmitkerler ónerin baǵalaý kezinde:

kórkem mátindi oqý sheberligine;

qazaq tilinde orfoepııalyq turǵydan taza sóıleýine;

án oryndaý qabiletine;

sahnalyq mádenıetine nazar aýdarylady.

Baıqaý jeńimpazdary dıplomdarmen jáne baǵaly syılyqtarmen marapattalady.

Meken-jaıymyz: 01000, Astana qalasy, «Mınıstrlikter úıi», 15 kireberis, Qazaqstan Respýblıkasy Mádenıet mınıstrliginiń Til komıteti, «Abaı oqýlary» respýblıkalyq baıqaýyna.

Baılanys telefondary: 8 (7172) 74-05-01, 74-01-84 (tel/faks 74-05-08); E-mail: ahaeva@mki.kz

Eskertý: burynǵy respýblıkalyq baıqaýlardyń jeńimpazdary bıyl ótkiziletin baıqaýlarǵa jiberilmeıdi.