Hıýa ıslam áleminiń 2024 jylǵy týrıstik astanasy dep jarııalandy

TAShKENT. QazAqparat – Ázerbaıjan astanasynda ótken Islam Yntymaqtastyǵy Uıymynyń (IYU) XI sessııasynda Hıýa qalasyn ıslam álemi týrızminiń 2024 jylǵy astanasy dep jarııalaý týraly sheshim qabyldandy, dep habarlaıdy QazAqparat tilshisi Ózbekstannyń Týrızm jáne mádenı mura mınıstrligine silteme jasap.

Vedomstvonyń habarlaýynsha, IYU músheleri týrızm salasynda júrgizilgen reformalar – vızalyq rejımdi jeńildetý, mádenı murany saqtaý jáne tarıhı qalalardy abattandyrýdy jetistikke jetýdiń negizgi faktorlary retinde moıyndady.

«Islam álemi týrızminiń astanasy jyly aıasynda Hıýada IYU-yna múshe 57 eldiń týrızm mınıstrleri men týrıstik ákimshilikteri basshylarynyń otyrysy, týrızmniń áleýetin ashatyn ǵylymı konferentsııalar, praktıkalyq semınarlar, fotokórmeler, art-ekspozıtsııalar uıymdastyrylyp, joǵary deńgeıde ótkiziledi», – dep atap ótti Ózbekstan delegatsııasynyń basshysy, Premer-Mınıstrdiń orynbasary, týrızm jáne mádenı mura mınıstri Azız Abdýhakımov.

Islam áleminiń týrıstik astanasy ataǵyna 5 qala úmitker boldy: Abý-Dabı (BAÁ), Shanlıýrfa (Túrkııa), Lagos (Nıgerııa), Dýshanbe (Tájikstan) jáne Hıýa (Ózbekstan).

Buǵan deıin Túrkııanyń Shanlyýrfa qalasy ıslam elderiniń 2023 jylǵy týrıstik ortalyǵy atalǵanyn habarlaǵan bolatynbyz.