Hıtroý áýejaıynyń termınaldarynyń biri qaýipti zattyń bolýyna baılanysty jabyldy

ASTANA. KAZINFORM – Álemdegi eń iri áýejaılardyń biri – Londonnyń Hıtroý áýejaıynyń 4-termınaly qaýipti zattardyń bar-joǵyna baılanysty jabyldy, dep habarlaıdy Anadoly. 

— Tótenshe qyzmetter qatysqan oqıǵa bolǵan 4-termınal jabyldy, — delingen amerıkalyq X kompanııasynyń paraqshasynda jarııalanǵan málimdemesinde.

Jolaýshylarǵa 4-termınalǵa barmaý usynyldy. Áýejaıdyń 1, 2, 3 jáne 5-termınaldarynyń qalypty rejımde jumys istep turǵany habarlandy.

— Órt sóndirýshiler Hıtroý áýejaıynda qaýipti zattyń bolýy múmkin degen jaǵdaıǵa baılanysty áreket etip jatyr. Jumys júrgizý úshin arnaıy top quryldy, — delingen London órt sóndirý qyzmetiniń málimdemesinde.

Oqıǵadan keıin áýejaıda shamamen 20 adamǵa medıtsınalyq kómek kórsetildi. Qazirgi ýaqytta bul oqıǵaǵa baılanysty tergeý jalǵasyp jatyr.

Ulttyq temirjol qyzmeti poıyzdardyń 4-termınal stantsııasynda toqtamaıtynyn jarııalady.

Álemdegi eń júktemesi kóp áýejaılardyń biri sanalatyn Hıtroý áýejaıynyń 4-termınaly keıbir eýropalyq jáne uzaq qashyqtyqqa ushatyn reıster úshin tranzıttik núkte bolyp tabylady. 

Aıta ketelik Londondaǵy eń iri áýejaıynda órt bolǵan edi.