«Hıtroý» áýejaıyndaǵy órt: Air Astana Londonǵa reısterdi keıinge shegerdi

ASTANA. KAZINFORM — Bul Hıtroý áýejaıynyń ýaqytsha jabylýyna sebep bolǵan aýqymdy elektr qýatynyń isten shyǵýymen baılanysty. Bul týraly Air Astana baspasóz qyzmeti habarlady.

— Air Astana áýekompanııasy Almaty-London jáne London-Almaty baǵyttaryndaǵy KC663/664 reıster 21 naýryzdan 22 naýryzǵa shegerilgenin habarlaıdy. Reıstiń keshiktirilýine elektr podstantsııasyndaǵy órt saldarynan Hıtroý áýejaıynda elektr qurylǵylarynyń isten shyǵýy sebep boldy, — delingen habarlamada.

Reıs statýsyn áýekompanııa saıtynda tekserip otyrýǵa bolady.

Aıta ketelik Londondaǵy eń iri áýejaı órt saldarynan bir táýlikke jabylǵan edi.

BBC málimetinshe, London órt qyzmeti jergilikti ýaqyt boıynsha tańǵy saǵat 9:00–de Heıs qalasyndaǵy qosalqy stansadaǵy órttiń «baqylaýǵa alynǵanyn» habarlady. Órtti sóndirýge 70-ke jýyq órt sóndirýshi jumyldyrylǵan. Órt qyzmetiniń habarlaýynsha, qosalqy stansadaǵy transformator janǵan.