Hıtke aınalǵan «Zyń-zyń» ániniń avtory kóz jumdy
ASTANA. QazAqparat - Sońǵy ýaqytta hıtke aınalyp, áleýmettik jelide keń taralǵan «Zyń-zyń» ániniń avtory Bolat Nurymov ómirden ótti, dep habarlaıdy «QazAqparat» HAA tilshisi.
Dosynyń baqılyq bolǵany týraly ánshi Serik Ibragımov Instagram paraqshasynda jazdy.
«Qamshynyń sabyndaı ómirde syılasyp óteıikshi! Qolymyzdan kelgenshe jaqsylyq jasaıyq, kelmese úndemeıik! Keshirim suraıyq, keshireıik! Búgin barmyz, erteń joqpyz! Shynynda da, jalǵan dúnıe! Bizdiń sózimizdiń, istegen isimizdiń, jazǵan jazýmyzdyń qaısysy sońǵy ekenin Alla ǵana biledi! Sondyqtan jaqsy amal jasap júreıikshi! Jamandyq jasaımyz dep, kelmeıtin saparǵa attanyp ketip, ókinip qalmaıyqshy! Sýrette turǵan baýyrymnyń, dosymyzdyń esimi Bolat! Ol baýyrymyz endi aramyzda joq! Óte jaqsy adam edi! Kishipeıil, aq kóńil jigit bolatyn! Baqılyq boldy! Alla meıirimine alsyn! Meıirimi sheksiz Allaxym jánnáttan oryn ber! Keshirimdi Alla barshamyzdy keshir! Iıa Allam raqymyńa alǵaısyń! Aýmın! Duǵa jasap qoıyńyzdar, aǵaıyn! Alla jar bolsyn, barshamyzǵa!», - dep jazdy Serik Ibragımov.
Bolat Nurymovtyń neden qaıtys bolǵany jazylmaıdy.
Aıta ketsek, otandyq BAQ kózderine suhbat bergen Bolat Nurymov jaqynda ǵana «Zyń zyń» ánine avtorlyq quqyǵy bar ekenin aıtyp, tipti ony dáleldeıtin qujatty da jarııa etken bolatyn. Qazir de atalǵan án kópshiliktiń qyzý talqysyna túsip, YouTube jelisinde kórilim jaǵynan úzdik vıdeolardyń qatarynda kele jatyr.
