Hırýrgter saýsaqtary aǵash butaǵyndaı ósip ketken er adamǵa ota jasady (FOTO)
ASTANA. QazAqparat - Hırýrgter qol saýsaqtarynyń ornyna aǵash butaǵyndaı óskin ósip ketken Bangladesh turǵynyna ota jasady. Onyń qolyn qalpyna keltirý úshin áli alda birneshe ota jasaý kerek bolady.
Bangladesh turǵyny Abýl Bajandranyń qolyna aǵash butaǵyndaı óskin ósip ketkendikten turǵyndar ony «aǵash» dep ataıdy. Ota jasaý tym qymbat bolǵannan keıin ol 25 jyl boıy aqsha jınaý úshin osyndaı halde júrýge májbúr bolady. Alaıda otaǵasy qoly ıkemge kelmeı, óskinderi ósip ketkendikten jumysynan shyǵyp qaldy. Ol júrgizýshi bolyp jumys jasaıtyn edi. Alaıdy sońǵy eki jylda ol kólik júrgizbek túgili, ózdiginen tisin tazalaı almaıdy. Tipti onyń aýzyna ózgeler as salady.
Abýla Bajandranyń oqıǵasyn estigen Dakkı hırýrgteri oǵan tegin ota jasaýǵa usynys bildirdi, dep jazady sheteldik BAQ.
