Hırosımada «Asiana Airlines» ushaǵy apatty jaǵdaıda qonyp, 23 adam zardap shekti
ASTANA. QazAqparat - Ońtústikkoreıalyq Asiana Airlines áýe kompanııasynyń jolaýshylar laıneri seısenbi kúni japondyq Hırosıma qalasynyń áýejaıyna apatty jaǵdaıda qondy. Japonııanyń NHK ortalyq telearnasynyń habarlaýynsha, oqıǵa saldarynan keminde 23 adam zardap shekti. Hırosıma prefektýrasynyń órt basqarmasynda olardyń jeńil jaraqat alǵanyn aıtty, dep habarlaıdy TASS.
Qutqarýshylardyń aıtýynsha, avıalaıner qonǵan soń ushý-qoný jolaǵynan shyǵyp ketken. Onyń qasyna birden órt sóndirý mashınalary jiberildi. Japondyq telearnadan kórsetilgendeı, ushaqtyń sol jaq qanaty tútindegen. Jolaýshylar úrlemeli qutqarý trapy arqyly ushaqtan shyǵaryldy. Aıta keteıik, ushaq ońtústikkoreıalyq Inchhon men Hırosıma qalalary arasynda ushqan. Onyń bortynda 74 jolaýshy men 7 ekıpaj múshesi bolǵan. Qazir oqıǵanyń oryn alý sebepteri anyqtalýda. Aldyn ala boljam boıynsha, laıner qonǵan sátinde ushý-qoný jolaǵynda "jer betindegi qandaı da bir jabdyqty" qaǵyp ketken.
