Hırosıma meri Nevadadaǵy ıadrolyq synaqqa baılanysty Vashıngtonǵa narazylyq bildirdi
ASTANA. KAZINFORM – Hırosıma meri Kadzýmı Matsýı AQSh prezıdenti Dj.Baıden men AQSh-tyń Japonııadaǵy elshisi R.Emanýelge Nevada shtatynda júrgizilgen ıadrolyq synaqqa narazylyq bildirgen hat joldady, dep habarlaıdy Hırosıma qalasynyń resmı saıty.
Hatta AQSh-tyń bıylǵy 14 mamyrda Nevada polıgonynda ıadrolyq synaq ótkizgeni, bul ótken jyldyń mamyr aıynda Hırosıma sammıtinde «Úlken jetilik» elderi basshylarynyń ıadrolyq qarýdan azat álem qurý týraly joldaýyna qaıshy keletini atap ótilgen.
«Atom bombasyna ushyraǵan Hırosıma qalasynyń atynan biz úzildi-kesildi narazylyq bildiremiz jáne bolashaqtaǵy barlyq ıadrolyq synaqtardy toqtatýǵa shaqyramyz», - delingen Hırosıma meri Kadzýmı Matsýıdiń hatynda.
Hatta Hırosıma halyqaralyq qoǵamdastyqtyń ıadrolyq qarýsyzdaný kúsh-jigerine jetekshilik etýge, ıadrolyq qarýdan azat álemge qol jetkizýge umtylatyny atap ótilip, AQSh-ty ıadrolyq qarýsyz álem qurý úshin aqylǵa qonymdy kúsh salýǵa úndeý salyndy.
