Hırosıma atom bombasynyń qurbandaryn eske aldy

ASTANA. KAZINFORM – Japonııanyń Hırosıma qalasynda amerıkalyq atom bombasynyń qurbandaryn eske alý rásimi ótti, dep habarlaıdy Kazinform Euronews arnasyna silteme jasap.

Іs-shara kezinde Japonııa premer-mınıstri Shıgerý Ishıba, Hırosıma meri jáne basqa da resmı tulǵalar kenotafqa gúl shoqtaryn qoıdy. Ákimniń sózinen keıin beıbitshilik sımvoly retinde ondaǵan aq kógershin ushyryldy. 

Óz kezeginde Ishıba ıadrolyq qarýsyz álem qurý jolynda jumys isteýge ýáde bergenin taǵy da qaıtalady. 

– Atom bombasynyń qasiretin álemge jetkizýge qabiletti jalǵyz el retinde biz osy qaıǵyly tájirıbeni este saqtaımyz jáne mundaı apattyń qaıtalanýyn boldyrmaý jolynda jumystanamyz, - dedi Ishıba Network X jelisindegi jazbasynda. 

Hırosımany bombalaý kezinde qala qırap, 140 myń adamnyń ómiri qıyldy. Amerıka Qurama Shtattary 1945 jyly 6 tamyzda qalaǵa Little Boy atomdyq oqtumsyqty tastady. «Semiz adam» dep atalatyn sál úlkenirek bomba birneshe kúnnen keıin, 9 tamyzda Nagasakıge tastalyp, 70 myń adam ajal qushty. 

Eske sala keteıik, buǵan deıin Japonııada apta ishinde aptap ystyqtan 18 adam qaıtys bolǵanyn jazǵan edik.