Hımııadan Nobel syılyǵynyń laýreaty Irvın Roýz qaıtys boldy
ASTANA. QazAqparat - AQSh-ta 2004 jyly hımııa salasynda Nobel syılyǵynyń laýreaty atanǵan ǵalym Irvın Roýz 88 jasynda dúnıeden ozdy, dep habarlady Associated Press. Ol Dırfıld (Massachýsets shtaty) qalasynda seısenbi, 2 maýsymda uıqydan oıanbaǵan.
Irvın Roýz 1926 jyly 16 maýsymda Nıý-Iorktiń Brýklın aýdanynda týǵan. 1948 jyly Vashıngton shtaty Ýnıversıtetin támamdaǵan, tórt jyldan keıin dıssertatsııa qorǵady. Ol Foks Cheızede (Fıladelfııa, Pensılvanııa shtaty) Onkologııalyq ortalyqta ǵalymdar tobynyń basshysy boldy. 2004 jyly Aaron Chehanover jáne Avram Gershkomen birge jasýshadaǵy aqýyzdardyń ýbıkvıtın-janama ydyraýy - asa mańyzdy tsıkldik úrdisterdiń birin ashqany úshin Nobel syılyǵyn alǵan bolatyn.
