Hımııadan Nobel syılyǵy DNQ reparatsııasyn zertteý eńbegine berildi
ASTANA. QazAqparat - Bıylǵy jyly hımııa salasynda Nobel syılyǵynyń laýreattary bolyp Tomas Lındal, Pol Modrıch jáne Ázız Sankar tanyldy. Birinshi ǵalym óz qyzmetin Anglııada júrgizse, onyń eki áriptesi zertteýlerin AQSh-ta júrgizip júr. Olar syılyqty DNQ reparatsııasy mehanızmderin zertteýde alǵa ozǵany úshin aldy.
Nobel komıtetiniń baspasóz paraqshasynda bul úsh ǵalymnyń jumysy «tiri aǵzalardyń qyzmeti, máselen, obyrmen kúres júrgizýdiń jańa ádisterinde olardy paıdalaný týraly irgeli bilim ekeni» aıtyldy. Ǵalymdar zaqymdalǵan DNQ-ny aǵzalarmen qalpyna keltirý qalaı júretinin jáne bul rette genetıkalyq aqparat qalaı saqtalyp otyratynyn molekýlalyq deńgeıde kórsete aldy.
Eske sala keteıik, reparatsııa dep aǵzalardyń DNQ molekýlalarynyń hımııalyq zaqymdaryn túzetýge múmkindik beretin qyzmettik ereksheligin ataıdy. Osyndaı zaqymdar men úzilýler hımııalyq nemese fızıkalyq agentterdiń áser etýinen paıda bolýy múmkin. Ǵalymdar DNQ zaqymdanýy turaqty túrde bolatynyn, bizdiń únemi reparatsııamyzdyń arqasynda ǵana genetıkalyq materıalymyz búkil ómir boıy birdeı bolyp qalyp otyrǵanyn atap ótýde.
Eske sala keteıik, 2014 jyly hımııa salasynda Nobel syılyǵyn tym joǵary ruqsattaǵy floýrostsenttik mıkroskopııany damytýǵa qosqan úlken úlesi úshin Erık Bettsıg, Ýılıam Moner jáne Shtefan Hell alǵan.
