Hımııa, fızıka, matematıka pánderi boıynsha UBT-ǵa ózgerister engiziledi - QR ǴBM
ASTANA. 10 mamyr. QazAqparat - Bıyl Ulttyq biryńǵaı testileý júıesine qatysýǵa júz myńǵa jýyq túlek ótinish bildirip otyr.
QR BǴM Ulttyq testileý ortalyǵy dırektorynyń orynbasary Baqytjan Turdalıevtiń aıtýynsha, bul - mektep bitirýshilerdiń jalpy sanynyń 72 paıyzy. Jalpy test júıesinde aıtarlyqtaı ózgerister bolmaıdy. Degenmen hımııa, fızıka, matematıka pánderi boıynsha dıagrammalyq sýret pen grafıka kóptep engizilip otyr. Bul arqyly mamandar túlekterdiń logıkalyq oılaý júıesin saralamaq.
Elimiz boıynsha 3-10 maýsym aralyǵynda ótetin testileý júıesi 155 ótkizý beketterinde uıymdastyrylady. Onyń 48-i joǵary oqý ornynyń bazasynda, al qalǵany mektepterde ótkiziletin bolady.
