Hımıkter balyqty ustap alýǵa yńǵaıly bııalaı jasap shyqty
ASTANA. QazAqparat - Lanchjoý Hımııa-fızıka ınıstıtýtynyń hımıkteri qolda sýsyp turmaıtyn balyqty ustaýǵa yńǵaıly bııalaı jasap shyqty.
Jylbysqy qabyqtan taımaıtyn qolǵap tutqyr zatpen - shaıda, emen qabyǵynda, pispegen jemisterde kezdesetin tannınmen qaptalǵan.
Zertteýshiler bastapqyda tannınniń basqa zattarmen qosylýyna tájirıbe júrgizgen. Onyń bıologııalyq suıyqtar quramyn ózgertip, aqýyzben uıysyp tutqyrlanatyny anyqtalady. Sarapshylar qurma nemese anardy jegende aýyzdyń qurǵap ketkeni sekildi bolýyna osy zattyń tutqyrlyǵy sebep bolady dep otyr.
Tannınge mýtsın jáne basqa da tutqyr tabıǵı zattar qosylǵanda onyń úıkelý qabileti birneshe esege artqan.
Aqyrynda hımıkter jylbysqy balyqty da ustap tura alatyn bııalaı jasap shyqqan. Onyń matasynda shaǵyn tannın qyshqyly bar uıashyqtar ornalastyrylǵan.
Jańa qolǵapty alǵashynda sary jaıyn balyǵyna synap kórgen. Balyqty tyrp ete almaǵan. Al kádimgi qolǵaptar bul nátıjeni qaıtalap bere almaǵan, balyqty qoldan sýsyp kete bergen.
