Hılları Klıntonnyń aldaǵy prezıdenttik saılaýǵa qatysýy yqtımal
ASTANA. QazAqparat - AQSh-tyń burynǵy memlekettik hatshysy 2015 jyldyń basynda ótetin prezıdenttik saılaýǵa qandıdat retinde qatysý týraly óziniń túpkilikti sheshimin qabyldamaq.
«Aldaǵy jyldyń alǵashqy kúninen soń saılaýǵa túsý-túspeýimdi sheshýge bel býdym»,-dep málimdedi Klınton Meksıka astanasyna barǵan saparynan soń. Bul týraly Reuters habarlady.
Hılları Klınton 2016 jyly ótetin saılaýda AQSh prezıdenti laýazymyna laıyqty birden-bir kandıdat bolyp esepteledi.
Mamyr aıynyń ortasynda Ipsos kompanııasynyń júrgizgen saýalnamasynda AQSh azamattarynyń kópshiligi Klıntondy prezıdenttik saılaýda jeńiske jetedi dep esepteıtindikterin aıtqan. 66 jastaǵy Klınton bul joǵary laýazym úshin kúreske túsetindigin ázirge ashyp aıtpaı otyr.
