Hılları Klınton jıeni úshin prezıdenttikke úmitkerlikten bas tartpaq
ASTANA. QazAqparat - AQSh prezıdenti taǵyna eń basty úmitkerlerdiń biri Hılları Klınton qyzy sábıli bolǵannan keıin saıasattan ketýi múmkin, dep jazady rosbalt.ru.
«Kúzde men áje atanam. Bul meniń ómirimdi túbegeıli ózgertedi. Ol kezde ózimdi qalaı sezinetinimdi bilmeımin. Men áje bolýdyń qandaı ekenin sezingim keledi. Meniń áje bolǵym keledi», - deıdi 66 jasar Klınton.
Eks-prezıdent Bıll Klıntonnyń jalǵyz qyzy Chelsı óziniń júkti ekenin sáýir aıynda habarlaǵan bolatyn. Bolashaq ata men áje jyl aıaǵynda jıen nemeresi ómirge keledi dep kútetindikterin aıtqan.
Aıta keteıik, burynǵy memlekettik hatshy óziniń prezıdent saılaýyna qatysatyn-qatyspaıtyny jaıly naqty jaýabyn jyl sońynda berýge tıis.
